Era Ojdanić poslije mnogo godina prisjetio se turneje u Australiji na kojoj je bio sa kolegom Ljubom Aličićem.

Era je otkrio da je tada doživio veliku neprijatnost kada je dobio prijeteću poruku.

– Bili smo na turneji u Australiji, Meho Puzić, Hanka Paldum, Ljuba, ma dosta kolega. Pjevali smo u tada čuvenoj kafani “Romanija”, tu su se okupljali naši ljudi. Svi su otišli u Srbiju, a Ljuba mi kaže: “Ajde brate da ostanemo još nedjelju dana da uzmemo dobre pare”. Tako da smo tamo ostali samo on i ja, produžili smo još nedjelju dana. Poslije dvije večeri tu se pojavile neke cure, traže autogram, druženje, zezanje… Prišla mi je jedna Makedonka, sjedila sa je mnom i poslije nekog vremena konobar mi donosi cjeduljicu a na njoj piše : “Ojdaniću ako se budeš udvarao našim djevojkama, bićeš ubijen i vraćen u mrtvačkom sanduku. Imaš 24 sata da napustiš Australiju”, i ja se odmah spakujem – rekao je Era.

Pjevač je otkrio:

– Ispričam Ljubi sve, promijenim kartu i let. Tek kada sam sve to uradio i uzeo novu kartu, Ljuba mi kaže da je on pisao poruku na cjeduljici, htio je da se našali. Meni je već bilo muka i otišao sam. Ljubi je poslije bio krivo, ostao je sam, ali uzeo je dobru lovu. Odrekao sam se para koje su trebale meni da pripadnu – kaže on.

Era ističe da se na kolegu nije naljutio.

– Nisam se naljutio, ali nisam htio da ostanem kada mi je priznao da je on, iznervirao sam se – rekao je on za “Informer”.

Era čuva stoku i brine o imanju


Podsjetimo, Era nadomak Beograda ima veliko imanje, na kom ima i stoku i nešto biljaka koje gaji, a bavi se ugostiteljstvom. On je jednom prilikom ugostio ekipu Blica u svom domu.

– Ovo je moje malo carstvo. Sve sam održavam. Tu je i moj sin Dragutin, ali meni ništa ne predstavlja problem da radim. Nije mi blam da muzem kozu, orem, da sam tu dok mi se svinje prase – rekao je tada i dodao:

– Kod mene je ovdje na imanju fenomenalno. Uživancija. Posebno kad je ovako lijepo vrijeme. Ima da se jede suva pršuta, čavrci, slaninica, jagnjetina. Dođe mi kćerka Milena iz Beograda da mi pomogne oko pranja garderobe i posteljine, ali sve ostalo ja radim. Volim da kuvam, ali moram da priznam da mrzim da usisavam. Zato uvijek platim ženu da mi usisa kuću – zaključio je on.