Lice pod imenom Slađan podijelilo je svoje neugodno iskustvo.

Nažalost, ni Slađanovo ljetovanje ove godine nije prošlo bez neprijatnosti, a upravo iz tog razloga on je riješio da ispriča svoje iskustvo u Facebook grupi Live from Greece.

„Više puta sam ljetovao u Grčkoj, ali ovako nešto nisam doživio. Krenuli smo u 13h u Grčku, mjesto Nea Plagia. Tamo su nas izbacili u 4h noću, po našem vremenu, sa troje male djece, i još jednu porodicu sa malom djevojčicom. Dočekao nas je predstavnik agencije u vidno pijanom stanju, rekao da ostavimo stvari u holu vile i da imamo pekaru koja počinje raditi u 6h“, napisao je Slađan.

Čekali skoro osam sati da uđu u sobu

Predstavnik agencije se, prema njegovim riječima, samo pokupio i otišao.

„To je bio jedini put da smo ga vidjeli, do posljednjeg dana ljetovanja. Bez da nas je uputio gdje je apoteka, ambulanta i slično, što im je posao i dužnost. Taj dan smo ušli u smještaj u 12.30 po njihovom vremenu, što znači da smo čekali sedam i po sati da uđemo u sobu. I sve to nekako iskuliraš, došao si da odmoriš, a onda posljednji dan. U agenciji nam je rečeno da napuštamo smještaj u 10h, a vlasnica iz vile nas je bukvalno istjerala u 9.30“, dodao je.

Na vaučeru, tvrdi, pisalo je da prevoz kreće u 17 časova.

Čekali na magistrali

„Kada smo preko vodiča puta došli do broja telefona predstavnika u mjestu, on nam kaže da u 17h kreće iz Sartija, a da nas kupi u 19h. Isti taj predstavnik se pojavio malo prije 19h, takođe u vidno pijanom stanju, i tu kreće zavlačenje: ‘Bus je uskoro tu, ako ne staje u Nikiti, stići će za pola sata’. Onda nam je rekao da idemo na magistralu da ga sačekamo, jer stiže, gdje smo na kraju čekali još preko sat vremena“, napisao je Slađan.

Autobus je, prema njegovim riječima, stigao tek u 20.45 sati.

„Mi smo bili skoro 12 sati na ulici sa malom djecom, ostavljeni da se snalazimo gdje ih odvesti u toalet. Da bi nam predstavnik puta i vodič indirektno rekli da je njima bitno kada se stiže u Sarti, a da su usputne stanice nebitne. Sramota“, zaključio je Slađan, prenosi 24Sedam.