Groblje naselja Topalak koje je prije 70 godina završilo pod vodom jezera brane Sejhan u Adani u Turskoj  ponovo je izronilo zbog suše.

Građani su nakon mnogo godina otišli do groblja i pomolili se.

Kada je brana Sejhan, izgrađena 1956. godine na rijeci Sejhan, počela da zadržava vodu, groblje naselja Topalak u centralnoj opštini Čukurova takođe je potonulo pod vodom. Međutim, zbog aktuelne suše, nivo vode u jezeru brane Sejhan pao je na samo 16 odsto kapaciteta, prenosi Telegraf.

Na jezeru koje se povuklo više od 500 metara, groblje naselja Topalak, koje je ranije bilo pod vodom, ponovo je izronilo.

Prijmećeno je da su natpisi na grobnim spomenicima prekriveni mahovinom i gotovo nevidljivi. Kada se groblje pojavilo, stanovnici mještani su otišli da se pomole pored spomenika svojih najbližih, pišu turski mediji.

Jedan od mještana, Faruk Ajdin, rekao je:

"Ove godine suša je bila mnogo jača. Voda se povukla i groblje je ponovo izronilo. Svi moramo pažljivo koristiti vodu. Mi smo ribari i povlačenje vode nas stalno negativno pogađa. Kada se groblje pojavilo, svi su otišli da se pomole za naše pretke i bližnje koji tamo počivaju.Kada se grob pojavio, otišli smo da se pomolimo", kazao je.

"Moj bližnji nije tamo, ali preci i bližnji naših starijih generacija leže tamo. Kada su grobovi ponovo izronili, otišli smo da se pomolimo. Kada se voda podigne, grobovi opet nestaju pod vodom. Neki idu čak i čamcima da se pomole", ispričao je.

(Telegraf.rs)