Vladimir Blažev Pančo iz grupe "DNK" je umro nakon teške borbe. Pančo se sedam mjeseci nalazio u bolnici nakon što je dobio opekotine kada je u Kočanima izbio požar u diskoteci u kojoj je grupa "DNK" nastupala.

Pančo se sedam mjeseci nalazio u bolnici nakon što je dobio opekotine kada je u Kočanima izbio požar u diskoteci u kojoj je grupa "DNK" nastupala. Tada je povrijeđeno više od 200 ljudi, a 62 osobe su izgubile život.

Pomagao ljudima da se evakuišu

Podsjetimo, članovi grupe DNK, koja je nastupala to veče u diskoteci, nakon što je izbio požar ostavili su instrumente i počeli sa evakuacijom.

"Bend DNK započeo je sa nastupom u 2, a oko 2:35 su počeli da koriste prskalice koje se koriste kad god dođe neki veliki muzičar. Svi su bili raspoloženi, niko nije znao da će se nešto tako dogoditi. Pančo je prvi digao uzbuunu zbog situacije, rekao je 'gori krov, izlazite'. Ostali nisu primjetili iako su snimali. Mislili su da je šala, nisu mislili da će se proširiti i nisu ozbiljno shvatili apel. Pred vratima je bila velika gužva, ni sama ne znam kako sam se izvukla. Neki su ostali do kraja jer su mislili da se ništa neće desiti. Na vratima je bila policija koja je bila u raciji jer je u klubu bilo maloljetnika. Vrata su u početku bila blokirana ali kada se stvorila gužva odmah su se otvorila. U klubu je i ranije bilo maloljetnika, samo platiš i uđeš", rekla je jedna djevojka.

Inače, Pančo je iza sebe ostavio sina koji je tinejdžer, a kojem se prije nesreće emotivnom porukom čestitao rođendan.

"Srećan 14. rođendan Andrej! Ne mogu obećati da ću biti ovde do kraja tvog života, ali obećavam da ću te voljeti do kraja svog. Voli te tata", napisao je Vladimir tada.