VESNI MEDENICI UKINUT PRITVOR Njen sin Miloš ostaje u „rukama zakona“
Bivšoj predsjednici Vrhovnog suda Vesni Medenici ukinut je pritvor.
Odluku o ukidanju pritvora donio je Viši sud nakon žalbe odbrane Apelacionom sudu na rješenje kojim joj je produžen boravak u Istražnom zatvoru.
Advokat Zdravko Begović je „Vijestima“ kazao da je kao branilac Vesne Medenice, uložio žalbu Apelacionom sudu na rješenje vijeća Višeg suda o produženju pritvora.
Nakon žalbe advokata, Apelacioni sud je ukinuo rješenje Višeg suda i vratio na ponovno odlučivanje.
Begović je kazao da je Viši sud donio novo rješenje kojim je ukinuo pritvor Medenici jer nema opasnosti od bjekstva.
Njen sin Miloš Medenica koji je označen kao organizator kriminalne organizacije ostaje u pritvoru.
Ročište za kontrolu optužnice protiv Medenice i ostalih zakazana je za 17. novembar u Višem sudu u Podgorici.
BONUS VIDEO: