Vatrena stihija zahvatila je otvoreni prostor na području Žednog, a usljed opasnosti od širenja požara prema naseljenim mjestima, upućen je zahtjev za angažman četiri kanadera. Ministarstvo odbrane Hrvatske potvrdilo je angažman vazdušnih snaga, pri čemu su dva kanadera preusmjerena na požarište kod Orebića.

Na terenu se nalaze vatrogasne jedinice iz Trogira, Kaštela, Solina i Splita.

Situaciju otežava jak vjetar, dok kiša koja je pala na većem dijelu ostrva trenutno pomaže vatrogascima u usporavanju širenja vatre. Iako je intenzitet požara oko 19 časova donekle splasnuo, opasnost još nije prošla, te vatrogasne ekipe nastavljaju s gašenjem i intenzivnim nadzorom požarišta.

1

Mještani svjedoče o dramatičnim scenama, navodeći da je ostrvo ispunjeno dimom i zvukovima sirena, piše Slobodna Dalmacija.