TRIPL-DABL JOKIĆA u porazu Denvera protiv Jute, umalo TUČA Hiroa i Nurkića (VIDEO)
Srpski košarkaš Nikola Jokić pružio je još jednu odličnu partiju i ostvario tripl-dabl učinak, ali je njegov Denver poražen kod kuću u meču sa favorizovanom Juta Džezom sa 115:109.
Jokić je za 37 minuta na terenu postigao 26 poena, imao 21 skok i 11 asistencija, što je njegov 64. tripl-dabl učinak u karijeri, dok su Vili Barton i Monte Moris postigli po 20 koševa.
Kod Jute je blistao hrvatski košarkaša Bojan Bogdanović, koji je za 40 minuta na parketu postigao 36 poena i imao 13 skokova.
Denver sada ima polovičan učinak, po 18 pobjeda i poraza, dok je Juta zabilježila 28 pobjeda i 10 poraza.
Jusuf Nurkić i Tajler Hiro bili su glavni akteri incidenta na utakmici između Portlanda i Majamija.
Meč je obilježio incident u kom su učestvovali Tajler Hiro i Jusuf Nurkić u posljednjem minutu četvrte četvrtine.
Nurkić je napravio jak blok i „oduvao“ Hira, koji ga je potom gurnuo sa leđa i Nurkić se okrenuo i pokušao da ga udari, ali su ga ostali igrači zadržali.
Nije se ni Tajler Hiro smirivao želeći da se obračuna sa Nurkićem, ali zahvaljujući pravovremenoj reakciji igrača i sudija ništa se ozbiljnije nije dogodilo.