Sjajni bek Tandera i prvi favorit za MVP priznanje ove godine ubacio je 34 poena, uz četiri skoka i osam asistencija za samo 30 minuta. Ono što je posebno impresivno je da je Oklahoma, dok je Šej bio na parketu ostvarila plus od 51 poena. To je najbolji „plus minus“ učinak u jednoj plej of utakmici ikada u najkvalitetnoj ligi na svijetu.

Kanađanin je prema prognozama prvi favorit da dobije zvanje najkorisnijeg igrača regularnog dijela sezone. Na tom mjestu bi trebalo da naslijedi Nikolu Jokića, koji je imao tripl dabl u prosjeku, prenosi Sport Klub.