Očekuje se napeta utakmica u kojoj će oba tima jurišati na pobjedu. Riječ je o direktnim konkurentima za top 5 i mjesta koja vode u Ligu šampiona, a razdvaja ih samo jedan bod. Odsustvo ključnih igrača Sitija moglo bi dati prednost Aston Vili, ali prednost domaćeg terena i dobra forma Građana ne smiju da se potcijene.

Mančester siti će biti bez ključnih igrača poput Nejtana Akea, Erlinga Halanda, Džona Stonsa i Rodrija, koji su povređeni. Aston Vila će računati na sve svoje glavne fudbalere, piše Sportal.rs.

Posljednji susret ova dva tima završen je pobjedom Aston Vile rezultatom 2:1 na “Vila Parku”. Golove za domaćine postigli su Džon Duran, koji je u međuvremenu otišao u Saudijsku Arabiju i Morgan Rodžers, dok je na drugoj strani pogodio Fil Foden.